ਦੁਖੀ ਸੰਸਾਰ ਵਿੱਚ ਮਨ ਦੀ ਸ਼ਾਂਤੀ

ਸ਼ਾਂਤੀ, ਕਿੱਥੇ ਹੈ ਸ਼ਾਂਤੀ – ਸਾਡੇ ਮੁਲਕਾਂ, ਸਾਡੇ ਘਰਾਂ ਅਤੇ ਸਭ ਤੋਂ ਵੱਪਕੇ ਸਾਡੇ ਦਿਲਾਂ ਅਤੇ ਮਨਾਂ ਦੀ ਸ਼ਾਂਤੀ ਕਿੱਥੇ ਹੈ? ਇਹ ਦੁਹਾਈ ਸਦੀਆਂ ਤੋਂ ਸੁਣਦੇ ਆ ਰਹੇ ਹਾਂ। ਕੀ ਤੁਹਾਡੇ ਦਿਲ ਦਾ ਰੋਣਾ ਵੀ ਇਹੋ ਹੈ?

ਲੋਕ ਬਹੁਤ ਦੁਖੀ ਅਤੇ ਬੋਝ ਦੇ ਸਾਰੇ ਹੋਏ ਹਨ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਅੱਜ ਸੰਸਾਰ ਨੂੰ ਇੱਕ ਦਿਸ਼ਾ, ਸਲਾਹ, ਸੁਰੱਖਿਆ ਅਤੇ ਭਰੋਸੇ ਦੀ ਲੋੜ ਹੈ। ਸਾਨੂੰ ਮਨ ਦੀ ਸ਼ਾਂਤੀ ਦੀ ਲੋੜ ਅਤੇ ਇੱਛਾ ਹੈ।

ਮਨ ਦੀ ਸ਼ਾਂਤੀ – ਕਿਹਾ ਖਜ਼ਾਨਾ ਹੈ! ਕੀ ਇਸ ਖਜ਼ਾਨੇ ਨੂੰ ਮਤਭੇਤੀ, ਦੁਖੀ, ਦੁਵਿੱਧਾ ਅਤੇ ਮੁਸ਼ਕਲਾਂ ਵਾਲੇ ਸੰਸਾਰ ਵਿੱਚ ਭਾਲਿਆ ਜਾ ਸਕਦਾ ਹੈ?

ਪੂਰਾ ਸੰਦੇਸ਼: ਦੁਖੀ ਸੰਸਾਰ ਵਿੱਚ ਮਨ ਦੀ ਸ਼ਾਂਤੀ

ਵੱਡੀ ਭਾਲ ਜਾਰੀ ਹੈ! ਬਹੁਤ ਸਾਰੇ ਲੋਕ ਸ਼ੋਹਰਤ ਅਤੇ ਕਿਸਮਤ, ਅਨੰਦ ਅਤੇ ਤਾਕਤ, ਸਿੱਖਿਆ ਅਤੇ ਜਾਣਕਾਰੀ, ਮਨੁੱਖੀ ਸਬੰਧਾਂ ਅਤੇ ਵਿਆਹ ਵਿੱਚ ਭਾਲ ਰਹੇ ਹਨ। ਉਹ ਆਪਣੇ ਦਿਮਾਗ ਨੂੰ ਜਾਣਕਾਰੀ ਨਾਲ ਅਤੇ ਆਪਣੇ ਬਟੂਏ ਨੋਟਾਂ ਨਾਲ ਭਰਨ ਦੀ ਇੱਛਾ ਰੱਖਦੇ ਹਨ, ਪਰ ਉਨਾਂ ਦੀ ਆਤਮਾ ਖਾਲੀ ਰਹਿ ਜਾਂਦੀ ਹੈ। ਕੁਝ ਲੋਕ ਸ਼ਰਾਬ ਅਤੇ ਨਸ਼ਿਆਂ ਦਾ ਸਹਾਰਾ ਲੈ ਕੇ ਜ਼ਿੰਦਗੀ ਦੀ ਸਚਿਆਈ ਤੋਂ ਬਚਣਾ ਚਾਹੁੰਦੇ ਹਨ, ਪਰ ਜਿਹੜੀ ਸ਼ਾਂਤੀ ਦੀ ਉਹ ਭਾਲ ਕਰ ਰਹੇ, ਉਹ ਉਨਾਂ ਤੋਂ ਦੂਰ ਹੁੰਦੀ ਜਾਂਦੀ ਹੈ। ਉਹ ਅਜੇ ਵੀ ਖਾਲੀ ਅਤੇ ਇੱਕਲੇ ਹਨ, ਅਜੇ ਵੀ ਦੁਖੀ ਸੰਸਾਰ ਵਿੱਚ, ਦੁਖੀ ਮਨ ਵਿੱਚ ਹਨ।

 

ਦੁਵਿੱਧਾ ਵਿੱਚ ਮਨੁੱਖ

ਪਰਮੇਸ਼ਵਰ ਨੇ ਮਨੁੱਖ ਨੂੰ ਸਿਰਜਿਆ ਅਤੇ ਇੱਕ ਸੁੰਦਰ ਬਾਗ਼ ਵਿੱਚ ਸੰਪੂਰਣ ਸ਼ਾਂਤੀ, ਅਨੰਦ ਅਤੇ ਖੁਸ਼ੀ ਮਾਣਨ ਲਈ ਰੱਖਿਆ। ਪਰ ਜਦੋਂ ਆਦਮ ਅਤੇ ਹੱਵਾ ਨੇ ਹੁਕਮ ਅਦੂਲੀ ਕੀਤੀ ਤਾਂ ਉਸੇ ਸਮੇਂ  ਉਹ ਦੋਸ਼ੀ ਹੋ ਗਏ। ਜਿੱਥੇ ਪਹਿਲਾਂ ਪਰਮੇਸ਼ਵਰ ਦੀ ਹਜ਼ੂਰੀ ਦੀ ਤਾਂਘ ਰੱਖਦੇ ਸਨ, ਹੁਣ ਉਹ ਸ਼ਰਮ ਨਾਲ ਆਪਣੇ ਆਪ ਨੂੰ ਲੁੱਕਾ ਰਹੇ ਸਨ। ਦੋਸ਼ ਅਤੇ ਭੈਅ ਨੇ ਸ਼ਾਂਤੀ ਅਤੇ ਅਨੰਦ ਦੀ ਥਾਂ ਲੈ ਲਈ ਸੀ। ਮਨੁੱਖ ਦਾ ਪਾਪ ਇਸ ਸੰਸਾਰ ਅਤੇ ਮਨ ਦੇ ਦੁੱਖਾਂ ਦਾ ਅਰੰਭ ਸੀ।

ਭਾਵੇਂ ਸਾਡਾ ਪ੍ਰਾਣ ਪਰਮੇਸ਼ਵਰ ਦੀ ਤਾਂਘ ਰੱਖਦਾ ਹੈ, ਸਾਡਾ ਪਾਪੀ ਸੁਭਾਅ ਓਸ ਦੇ ਰਾਹਾਂ ਤੋਂ ਬਾਗ਼ੀ ਹੁੰਦਾ ਹੈ। ਇਹ ਅੰਦਰੂਣੀ ਸੰਘਰਸ਼ ਤਨਾਅ ਅਤੇ ਚਿੰਤਾ ਉਤਪੰਨ ਕਰਦਾ ਹੈ। ਜਦੋਂ ਅਸੀਂ ਆਦਮ ਅਤੇ ਹੱਵਾ ਵਾਂਙੁ ਆਪਣੀਆਂ ਇੱਛਾਵਾਂ ਅਤੇ ਅਭਿਲਾਸ਼ਾਵਾਂ ਵਿੱਚ ਆਤਮ ਕੇਂਦਰਤ ਹੋ ਜਾਂਦੇ ਹਾਂ, ਉਦੋਂ ਅਸੀਂ ਚਿੰਤਤ ਅਤੇ ਬੇਚੈਨ ਹੋ ਜਾਂਦੇ ਹਾਂ। ਜਿੰਨਾਂ ਜ਼ਿਆਦਾ ਅਸੀਂ ਆਪਣੇ ਉਤੇ ਧਿਆਨ ਲਗਾਉਂਦੇ ਹਾਂ ਓਨੇ ਹੀ ਵੱਧ ਦੁਖੀ ਹੋ ਜਾਂਦੇ ਹਾਂ। ਜ਼ਿੰਦਗੀ ਦੀਆਂ ਅਸਥਿਰਤਾਵਾਂ ਬਦਲਦਾ ਅਤੇ ਖ਼ਰਾਬ ਹੁੰਦਾ ਸੰਸਾਰ, ਸਾਡੀ ਸੁਰੱਖਿਆ ਨੂੰ ਹਿਲਾਉਂਦਾ ਅਤੇ ਸ਼ਾਂਤੀ ਨੂੰ ਭੰਗ ਕਰਦਾ ਹੈ।

ਹੋ ਸਕਦਾ ਹੈ, ਤੁਸੀਂ ਇਹ ਗੱਲ ਜਾਣੀ ਨਾ ਹੋਵੇ ਜਾਂ ਇਸ ਨੂੰ ਮੰਨਿਆ ਨਾ ਹੋਵੇ, ਪਾਪ ਤੁਹਾਡੀ ਬੇਚੈਨੀ ਦਾ ਕਾਰਨ ਹੋ ਸਕਦਾ ਹੈ। ਬਹੁਤ ਸਾਰੇ ਲੋਕ ਸ਼ਾਂਤੀ ਦੀ ਭਾਲ ਲਈ ਬਾਹਰੀ ਅਤੇ ਭੌਤਿਕ ਵਸਤਾਂ ਦੀ ਖੋਜ ਕਰਦੇ ਹਨ। ਉਹ ਆਪਣੇ ਬੇਚੈਨ ਮਨ ਦੇ ਲਈ ਇਸ ਚਿੰਤਤ ਸੰਸਾਰ ਨੂੰ ਦੋਸ਼ ਦਿੰਦੇ ਹਨ। ਪਰ ਉਹ ਆਪਣੇ ਦਿਲ ਅੰਦਰ ਝਾਕ ਮਾਰਨ ਵਿੱਚ ਨਾਕਾਮ ਹੁੰਦੇ ਹਨ।

 

ਯਿਸੂ ਮਸੀਹ, ਸ਼ਾਂਤੀ ਦਾ ਰਾਜਕੁਮਾਰ

ਉਦੋਂ ਤੱਕ ਸ਼ਾਂਤੀ ਨਹੀਂ ਹੋ ਸਕਦੀ, ਜਦੋਂ ਤੱਕ ਜ਼ਿੰਦਗੀ ਦੇ ਸਾਰੇ ਤੱਤਾਂ ਦਾ ਤਾਲਮੇਲ ਉਸ ਇੱਕ ਨਾਲ ਨਹੀਂ ਹੁੰਦਾ, ਜਿਸ ਨੇ ਸਾਨੂੰ ਸਿਰਜਿਆ ਹੈ ਅਤੇ ਸਾਨੂੰ ਸਮਝਦਾ ਹੈ। ਇਹ ਮਸੀਹ ਪ੍ਰਤੀ ਸਪੂਰਣ ਸਮਰਪਣ ਨਾਲ ਹੀ ਸੰਭਵ ਹੈ। ਉਹ ਨਾ ਸਿਰਫ ਸਾਰੇ ਸੰਸਾਰ ਦਾ ਸਵਾਮੀ ਹੀ ਹੈ ਬਲਕਿ ਸਾਡੀਆਂ ਜ਼ਿੰਦਗੀਆਂ ਨੂੰ ਅਰੰਭ ਤੋਂ ਲੈ ਕੇ ਅਖੀਰ ਤੱਕ ਜਾਣਦਾ ਹੈ। ਜਦੋਂ ਉਹ ਇਸ ਸੰਸਾਰ ਵਿੱਚ ਆਇਆ ਸੀ ਤਾਂ ਉਹ ਸਾਡੇ ਬਾਰੇ ਹੀ ਸੋਚ ਰਿਹਾ ਸੀ, ਭਈ ਉਨ੍ਹਾਂ ਨੂੰ ਜੋ ਹਨੇਰੇ ਅਤੇ ਮੌਤ ਦੇ ਸਾਯੇ ਵਿੱਚ ਬੈਠੇ ਹੋਏ ਹਨ, ਚਾਨਣ ਦੇਵੇ ਅਤੇ ਸਾਡੇ ਪੈਰਾਂ ਨੂੰ ਸ਼ਾਂਤੀ ਦੇ ਰਾਹ ਪਾਵੇ॥” (ਲੂਕਾ 1:79) ਯਿਸੂ ਹਨੇਰੇ ਲਈ ਰੌਸ਼ਨੀ, ਕਲੇਸ਼ ਲਈ ਸ਼ਾਂਤੀ, ਦੁਖੀ ਲਈ ਅਨੰਦ, ਬੇਆਸ ਲਈ ਆਸ ਅਤੇ ਮੌਤ ਲਈ ਜ਼ਿੰਦਗੀ ਪੇਸ਼ ਕਰਦਾ ਹੈ। ਯੂਹੰਨਾ 14:27 ਵਿੱਚ ਉਹ ਆਖਦਾ ਹੈ, “ਮੈਂ ਤੁਹਾਨੂੰ ਸ਼ਾਂਤੀ ਦੇ ਜਾਂਦਾ ਹਾਂ। ਆਪਣੀ ਸ਼ਾਂਤੀ ਮੈਂ ਤੁਹਾਨੂੰ ਦਿੰਦਾ ਹਾਂ... ਤੁਹਾਡਾ ਦਿਲ ਨਾ ਘਬਰਾਵੇ ਅਤੇ ਨਾ ਡਰੇ।

 

ਤੌਬਾ, ਮਨ ਦੀ ਸ਼ਾਂਤੀ ਲਿਆਉਂਦੀ ਹੈ

ਜਦੋਂ ਤੁਹਾਨੂੰ ਪਾਪ ਦਾ ਬੋਝ ਬਹੁਤ ਜ਼ਿਆਦਾ ਲੱਗਣ ਲੱਗੇ ਅਤੇ ਉਹ ਤੁਹਾਨੂੰ ਦਬਾਉਣ ਲੱਗੇ ਤਾਂ ਇਸ ਦਾ ਇਲਾਜ ਹੈ – ਤੌਬਾ ਕਰੋ ...ਮੁੜੋ ਭਈ ਤੁਹਾਡੇ ਪਾਪ ਮਿਟਾਏ ਜਾਣ।” (ਰਸੂਲਾਂ 3:19) ਯਿਸੂ ਤੁਹਾਨੂੰ ਇਸ ਬਹੁਤ ਹੀ ਅਰਥਪੂਰਣ ਅਤੇ ਜ਼ਿੰਦਗੀ ਬਦਲਣ ਵਾਲੇ ਤਜੁਰਬੇ ਲਈ ਸੱਦਾ ਦਿੰਦਾ ਹੈ, “ਹੇ ਸਾਰੇ ਥੱਕੇ ਹੋਇਓ ਅਤੇ ਭਾਰ ਹੇਠ ਦੱਬੇ ਹੋਇਓ, ਮੇਰੇ ਕੋਲ ਆਓ ਮੈਂ ਤੁਹਾਨੂੰ ਅਰਾਮ ਦਿਆਂਗਾ।” (ਮੱਤੀ 11:28) 1 ਯੂਹੰਨਾ 1:9 ਵਾਅਦਾ ਕਰਦਾ ਹੈ, “ਜੇ ਅਸੀਂ ਆਪਣਿਆਂ ਪਾਪਾਂ ਦਾ ਇਕਰਾਰ ਕਰੀਏ ਤਾਂ ਉਹ ਵਫਾਦਾਰ ਅਤੇ ਧਰਮੀ ਹੈ ਭਈ ਸਾਡੇ ਪਾਪਾਂ ਨੂੰ ਮਾਫ਼ ਕਰੇ ਅਤੇ ਸਾਨੂੰ ਸਾਰੇ ਕੁਧਰਮ ਤੋਂ ਸ਼ੁਧ ਕਰੇ।”  ਕੀ ਤੁਸੀਂ ਉਸਦਾ ਸੱਦਾ ਕਬੂਲ ਕਰੋਗੇ?

ਜਦੋਂ ਤੁਸੀਂ ਯਿਸੂ ਕੋਲ ਆਉਂਦੇ ਹੋ ਤਾਂ ਤੁਸੀਂ ਮਾਫ਼ੀ ਅਤੇ ਅਜ਼ਾਦੀ ਪਾਓਗੇ। ਦੰਡ ਅਤੇ ਮਾਫ਼ੀ ਨਾ ਮਿਲਣ ਦੀ ਬਜਾਏ, ਤੁਹਾਡਾ ਦਿਲ ਪਿਆਰ ਅਤੇ ਦਯਾ ਨਾਲ ਭਰ ਜਾਵੇਗਾ। ਜਦੋਂ ਯਿਸੂ ਤੁਹਾਡੇ ਦਿਲ ਉਤੇ ਰਾਜ ਕਰੇਗਾ, ਤੁਸੀਂ ਆਪਣੇ ਵੈਰੀਆਂ ਨਾਲ ਪਿਆਰ ਕਰੋਗੇ। ਇਹ ਯਿਸੂ ਮਸੀਹ ਦੇ ਛੁਡਾਉਣ ਵਾਲੇ ਲਹੂ ਦੇ ਵਜੋਂ ਸੰਭਵ ਹੈ।

 

ਸਦੀਪਕ ਸ਼ਾਂਤੀ

ਇੱਕ ਮਸੀਹੀ ਵਜੋਂ, ਪਰਮੇਸ਼ਵਰ ਵਿੱਚ ਵਿਸ਼ਵਾਸ ਕਰਨਾ ਅਤੇ ਉਸਦੀ ਦੇਖਭਾਲ ਉਤੇ ਭਰੋਸੇ ਕਰਨਾ ਭੈਅ ਅਤੇ ਚਿੰਤਾਂ ਦਾ ਇਲਾਜ ਹੈ। ਨਾ ਬਦਲਣ ਵਾਲੇ ਪਰਮੇਸ਼ਵਰ, ਜਿਹੜਾ ਸਦਾ ਤੋਂ ਸਦਾ ਤੀਕਰ ਹੈ, ਉਤੇ ਭਰੋਸਾ ਕਰਨਾ ਕਿੰਨਾ ਸੁੱਖਦਾਯਕ ਹੈ। ਉਹ ਸਾਨੂੰ ਪਿਆਰ ਕਰਦਾ ਹੈ ਅਤੇ ਸਦਾ ਸਾਡੀ ਫ਼ਿਕਰ ਕਰੇਗਾ। ਫੇਰ ਚਿੰਤਾ ਅਤੇ ਫ਼ਿਕਰ ਕਿਉਂ ਕਰਦੇ ਹੋ? ਉਵੋਂ ਕਰਨਾ ਸਿਖੋ ਜਿਵੇਂ ਅਸੀਂ 1 ਪਤਰਸ 5:7 ਵਿੱਚ ਪੜ੍ਹਦੇ ਹਾਂ। “ਆਪਣੀ ਸਾਰੀ ਚਿੰਤਾ ਓਸ ਉਤੇ ਸੁੱਟ ਛੱਡ ਕਿਉ ਜੋ ਉਹ ਨੂੰ ਤੁਹਾਡਾ ਫ਼ਿਕਰ ਹੈ!” ਸਾਡੇ ਨਾਲ ਇੱਕ ਹੋਰ ਵਾਅਦਾ ਵੀ ਕੀਤਾ ਗਿਆ ਹੈ, “ਜਿਹੜਾ ਤੇਰੇ ਵਿਚ ਲਿਵਲੀਨ ਹੈ, ਤੂੰ ਉਹ ਦੀ ਪੂਰੀ ਸਾਂਤੀ ਨਾਲ ਰਾਖੀ ਕਰਦਾ ਹੈਂ ਇਸ ਲਈ ਉਹ ਦਾ ਭਰੋਸਾ ਤੇਰੇ ਉਤੇ ਹੈ।” (ਯਸਾਯਾਹ 26:3)

ਯਿਸੂ ਮਸੀਹ ਨੂੰ ਆਪਣੇ ਦਿਲ ਵਿੱਚ ਧਾਰਨ ਕਰਨ ਨਾਲ ਸ਼ਾਂਤੀ ਦੀ ਤੁਹਾਡੀ ਭਾਲ ਪੂਰੀ ਹੁੰਦੀ ਹੈ। ਉਹ ਤੁਹਾਨੂੰ ਸ਼ਾਂਤੀ ਅਤੇ ਅਰਾਮ ਦੇਵੇਗਾ ਜਿਹੜਾ ਉਸ ਉਤੇ ਭਰੋਸਾ ਕਰਨ ਨਾਲ ਹੀ ਮਿਲਦਾ ਹੈ। ਤੁਸੀਂ ਵੀ ਕਵਿ ਦੇ ਵਾਂਙੁ ਕਹੋਗੇ:

 

“ਮੈਂ ਇੱਕ ਸ਼ਾਂਤੀ ਜਾਣਦਾ ਹਾਂ, ਜਿੱਥੇ ਕਿਤੇ ਸ਼ਾਂਤੀ ਨਹੀਂ ਹੈ,

ਮੈਂ ਇੱਕ ਅਰਾਮ ਜਾਣਦਾ ਹਾਂ, ਜਿੱਥੇ ਜੰਗਲੀ ਵਾਹ ਵੱਗਦੀ ਹੈ,

ਇੱਕ ਪਵਿੱਤਰ ਸਥਾਨ, ਮਾਲਕ ਦੇ ਨਾਲ ਮੈਂ ਆਹਮੋ-ਸਾਹਮਣੇ ਹੋ ਸਕਦਾ ਹਾਂ।”

-ਰਾਲਫ ਸਪੈਲਡਿੰਗ ਕੁਸ਼ਮਨ

 

ਤੁਸੀਂ ਇਸ ਦੁਖੀ ਸੰਸਾਰ ਵਿੱਚ ਸ਼ਾਂਤੀ ਪਾ ਸਕਦੇ ਹੋ! ਯਿਸੂ ਦੇ ਲਈ ਆਪਣੇ ਦਿਲ ਦਾ ਬੂਹਾ ਖੋਲੋ – ਹੁਣੇ – ਅਤੇ ਇੱਕ ਦਿਨ ਉਹ ਤੁਹਾਡੇ ਲਈ ਸਵਰਗ ਦਾ ਬੂਹਾ ਖੋਲ ਦੇਵੇਗਾ, ਜਿੱਥੇ ਸਿੱਧ ਸ਼ਾਂਤੀ ਸਦਾ ਤੀਕਰ ਰਾਜ ਕਰੇਗੀ।

( punjabi ਪੰਜਾਬੀ )

ਸਾਡੇ ਨਾਲ ਸੰਪਰਕ ਕਰੋ

ਪਰਚਿਆਂ ਦਾ ਆਰਡਰ ਦਿਓ

ਮੌਤ ਪਿੱਛੋਂ?

ਇਸ ਵੇਲੇ ਤੁਸੀਂ ਜੀਉਂਦੇ ਹੋ, ਤੁਸੀਂ ਸਾਹ ਲੈ ਰਹੇ ਹੋ, ਤੁਸੀਂ ਚਲ ਫਿਰ ਰਹੇ ਹੋ ਜਾਂ ਕੋਈ ਕੰਮ ਕਰ ਰਹੇ ਹੋ, ਹੋ ਸਕਦਾ ਹੈ ਤੁਸੀਂ ਸੁੱਖ-ਅਰਾਮ ਦੀ ਜ਼ਿੰਦਗੀ ਬਿਤਾ ਰਹੇ ਹੋ ਜਾਂ ਦੁਖਾਂ ਦੇ ਦਿਨ ਬਿਤਾ ਰਹੇ ਹੋ। ਸੂਰਜ ਚੜਦਾ ਹੈ ਤੇ ਡੁੱਬ ਜਾਂਦਾ ਹੈ। ਕਿਤੇ ਕੋਈ ਬੱਚਾ ਜਨਮ ਲੈ ਰਿਹਾ ਹੈ ਅਤੇ ਕਿਤੇ ਕੋਈ ਮਰ ਰਿਹਾ ਹੈ।

ਇਹ ਸਾਰੀ ਜ਼ਿੰਦਗੀ ਬਸ ਇੱਕ 

ਅਧੂਰਾ ਇੰਤਜ਼ਾਮ ਹੈ,

ਪਰ

ਮੌਤ ਪਿੱਛੋਂ ਤੁਸੀਂ ਕਿੱਥੇ ਜਾਓਗੇ???

ਬੇਸ਼ਕ ਤੁਸੀਂ ਧਾਰਮਿਕ ਹੋ ਜਾਂ ਕਿਸੇ ਵੀ ਧਰਮ ਨੂੰ ਨਾ ਮੰਨਣ ਵਾਲੇ। ਫਿਰ ਵੀ ਇਸ ਵੱਡੇ ਸਵਾਲ ਦਾ ਜਵਾਬ ਲੱਭਣਾ ਹੋਵੇਗਾ, ਕਿਉਂਕਿ ਇੱਕ ਸੰਖੇਪ ਪ੍ਰਿਥਵੀ ਜੀਵਨ ਦੇ ਬਾਅਦ “ਮਨੁੱਖ ਆਪਣੇ ਸਦੀਪਕ ਦੇ ਟਿਕਾਣੇ ਨੂੰ ਤੁਰ ਜਾਂਦਾ ਹੈ...।” (ਉਪਦੇਸ਼ਕ 12:5)

ਪਰ ਕਿੱਥੇ?

ਕਬਰਸਤਾਨ, ਜਿੱਥੇ ਤੁਹਾਨੂੰ ਦਫ਼ਨਾਇਆ ਜਾਵੇਗਾ, ਤੁਹਾਡੀ ਆਤਮਾ ਨੂੰ ਦਫ਼ਨਾ ਨਹੀਂ ਸਕਦਾ। ਬੇਸ਼ਕ ਤੁਹਾਨੂੰ ਚਿਤਾ ਵਿੱਚ ਜਲਾਇਆ ਜਾਵੇ ਤਾਂ ਵੀ ਦਾਹ ਸੰਸਕਾਰ ਤੁਹਾਡੀ ਆਤਮਾ ਨੂੰ ਖ਼ਤਮ ਨਹੀਂ ਕਰ ਸਕਦਾ, ਜਾਂ ਤੁਸੀਂ ਸਮੁੰਦਰ ਵਿੱਚ ਡੁੱਬ ਗਏ ਤਦ ਵੀ ਤੁਹਾਡੀ ਆਤਮਾ ਨਹੀਂ ਡੁੱਬ ਸਕਦੀ। 

ਤੁਹਾਡੀ ਆਤਮਾ ਕਦੇ ਨਹੀਂ ਮਰੇਗੀ!

ਪੂਰਾ ਸੰਦੇਸ਼: ਮੌਤ ਪਿੱਛੋਂ?

ਸਵਰਗ ਅਤੇ ਧਰਤੀ ਦੇ ਪਰਮੇਸ਼ਵਰ ਨੇ ਆਖਿਆ,

“ਸਭ ਰੂਹਾਂ ਮੇਰੀਆਂ ਹਨ”

ਹਰ ਵਿਅਕਤੀ ਨੇ ਇੱਕ ਹੀ ਵਾਰ ਮਰਨਾ ਹੁੰਦਾ ਹੈ। ਮੌਤ ਤੋਂ ਬਾਅਦ ਤੁਹਾਡੀ ਆਤਮਾ ‘ਜੋ ਅਸਲ ਵਿੱਚ ਤੁਸੀਂ ਹੋ’ ਦਾ ਸਾਹਮਣਾ ਉਨ੍ਹਾਂ ਚੰਗੇ ਅਤੇ ਮਾੜੇ ਕਾਰਜਾਂ ਨਾਲ ਹੋਵੇਗਾ ਜੋ ਤੁਸੀਂ ਜੀਉਂਦੇ ਜੀਅ ਕੀਤੇ ਹਨ। (ਹਵਾਲਾ ਇਬਰਾਨੀਆਂ 9:27) 

ਭਾਵੇਂ ਤੁਸੀਂ ਸੱਚੇ ਮਨ ਨਾਲ ਪਾਠ ਪੂਜਾ ਕਰੋ,

ਭਾਵੇਂ ਤੁਹਾਨੂੰ ਤੁਹਾਡੇ ਬੁਰੇ ਕਰਮਾਂ ਤੇ ਪਛਤਾਵਾ ਹੋਵੇ, 

ਭਾਵੇਂ ਤੁਸੀਂ ਜੋ ਚੋਰੀ ਕੀਤਾ ਸੀ ਉਸ ਨੂੰ ਵਾਪਸ ਵੀ ਕਰ ਦਵੋ।

ਯਕੀਨਨ ਇਹ ਲੋੜੀਂਦੇ ਹਨ-

ਪਰ

ਤੁਸੀਂ ਆਪਣੇ ਪਾਪ ਆਪ ਨਹੀਂ ਬਖ਼ਸ਼ ਸਕਦੇ।

ਸਵਰਗ ਦਾ ਪਰਮੇਸ਼ਵਰ, ਸਾਰੀ ਧਰਤੀ ਦਾ ਧਰਮੀ  ਨਿਆਂਕਾਰ ਤੁਹਾਡੇ ਸਾਰੇ ਪਾਪਾਂ ਅਤੇ ਜੀਵਨ ਨੂੰ ਜਾਣਦਾ ਹੈ, ਉਸ ਕੋਲੋ ਕੁਝ ਵੀ ਲੁਕਿਆ ਨਹੀਂ। ਤੁਸੀਂ ਪਾਪਾਂ ਦੀ ਗਠੜੀ ਨਾਲ ਲੈ ਕੇ ਭਵਿੱਖ ਦੇ ਸੰਸਾਰ ਦੇ ਅਨੰਦ ਅਤੇ ਮਹਿਮਾ ਵਿੱਚ ਕਦੇ ਪ੍ਰਵੇਸ਼ ਨਹੀਂ ਕਰ ਸਕਦੇ। 

ਪਰ ਇਹ ਸਵਰਗ ਦਾ ਪਰਮੇਸ਼ਵਰ ਪਿਆਰ ਦਾ ਪਰਮੇਸ਼ਵਰ ਹੈ। ਉਸ ਨੇ ਤੁਹਾਡੇ ਜੀਵਨ ਅਤੇ ਤੁਹਾਡੀ ਆਤਮਾ ਨੂੰ ਬਚਾਉਣ ਦਾ ਰਾਹ ਬਣਾਇਆ ਹੋਇਆ ਹੈ। ਤੁਹਾਨੂੰ ਸਦੀਪਕ ਸਜ਼ਾ ਅਤੇ ਨਰਕ ਵਿੱਚ ਪਏ ਰਹਿਣ ਦੀ ਲੋੜ ਨਹੀਂ। ਪਰਮੇਸ਼ਵਰ ਨੇ ਆਪਣੇ ਪੁੱਤਰ ਯਿਸੂ ਨੂੰ ਇਸ ਸੰਸਾਰ ਵਿੱਚ ਘੱਲਿਆ ਤਾਂ ਜੋ ਉਹ ਤੁਹਾਡੀ ਆਤਮਾ ਨੂੰ ਬਚਾ ਸਕੇ। ਯਿਸੂ ਨੇ ਤੁਹਾਡੇ ਸਾਰੇ ਪਾਪ ਆਪਣੇ ਉੱਤੇ ਲੈ ਲਏ, ਜਦੋਂ ਉਹ ਨੇ ਕਲਵਰੀ ਦੀ ਸਲੀਬ ਉੱਤੇ ਦੁੱਖ ਭੋਗਿਆ ਅਤੇ ਮਰ ਗਿਆ। ਪਰਮੇਸ਼ਵਰ ਨੇ ਤੁਹਾਡੇ ਪਾਪਾਂ ਲਈ ਸਵਰਗ ਦੀ ਸਭ ਤੋਂ ਅਨਮੋਲ ਕੁਰਬਾਨੀ ਦੇ ਦਿੱਤੀ। 

“ਪਰ ਉਹ ਸਾਡੇ ਅਪਰਾਧਾਂ ਲਈ ਘਾਇਲ ਕੀਤਾ ਗਿਆ, ਸਾਡੀਆਂ ਬਦੀਆਂ ਦੇ ਕਾਰਨ ਕੁਚਲਿਆ ਗਿਆ, ਸਾਡੀ ਸ਼ਾਂਤੀ ਲਈ ਉਸ ਉਤੇ ਤਾੜਨਾ ਹੋਈ, ਅਤੇ ਉਸ ਦੇ ਮਾਰ ਖਾਣ ਤੋਂ ਅਸੀਂ ਨਰੋਏ ਕੀਤੇ ਗਏ।” (ਪੜ੍ਹੋ ਯਸਾਯਾਹ 53:5) ਭਵਿੱਖਬਾਣੀ ਦੇ ਇਹ ਸ਼ਬਦ ਯਿਸੂ ਦੇ ਇਸ ਧਰਤੀ ਉੱਤੇ ਆਉਣ ਤੋਂ ਬਹੁਤ ਪਹਿਲਾਂ ਕਹੇ ਗਏ ਸਨ। 

ਕੀ ਤੁਸੀਂ ਵਿਸ਼ਵਾਸ ਕਰੋਗੇ ਕਿ ਯਿਸੂ ਤੁਹਾਨੂੰ ਪਿਆਰ ਕਰਦਾ ਹੈ? ਕੀ ਤੁਸੀਂ ਪ੍ਰਾਰਥਨਾ ਕਰੋਗੇ ਅਤੇ ਆਪਣੇ ਪਾਪਾਂ ਨੂੰ ਯਿਸੂ ਅੱਗੇ ਮੰਨੋਗੇ? ਕੀ ਤੁਸੀਂ ਤੌਬਾ ਕਰਕੇ ਯਿਸੂ ਤੇ ਵਿਸ਼ਵਾਸ ਕਰੋਗੇ ਜੋ ਜ਼ਿੰਦਾ ਪਰਮੇਸ਼ਵਰ ਦਾ ਪੁੱਤਰ ਹੈ? ਜਦ ਤੁਸੀਂ ਆਪਣਾ ਆਪ ਅਤੇ ਜੋ ਕੁਝ ਤੁਹਾਡਾ ਹੈ, ਯਿਸੂ ਨੂੰ ਸਮਰਪਿਤ ਕਰ ਦਿੰਦੇ ਹੋ ਤਾਂ ਉਹ ਤੁਹਾਨੂੰ ਸ਼ਾਂਤੀ ਅਤੇ ਮੌਤ ਪਿੱਛੋਂ ਮਹਿਮਾਮਈ ਜੀਵਨ ਬਖ਼ਸ਼ੇਗਾ। ਕੇਵਲ ਤਦ ਹੀ ਤੁਸੀਂ ਆਪਣੀ ਆਤਮਾ ਲਈ ਮਹਾਨ ਅਨੰਦ ਅਤੇ ਅਰਾਮ ਦੇ ਸਦੀਪਕ ਘਰ ਦਾ ਭਰੋਸਾ ਰੱਖ ਸਕਦੇ ਹੋ।

ਪਰ ਜਿਹੜੇ ਲੋਕ ਯਿਸੂ ਦੇ ਛੁਟਕਾਰਾ ਦੇਣ ਵਾਲੇ ਪਿਆਰ ਨੂੰ ਠੁਕਰਾ ਦਿੰਦੇ ਹਨ, ਉਨ੍ਹਾਂ ਲਈ ਨਰਕ ਦੀ ਕਦੇ ਨਾ ਬੁਝਣ ਵਾਲੀ ਅੱਗ ਉਡੀਕ ਕਰ ਰਹੀ ਹੈ। ਮੌਤ ਪਿੱਛੋਂ ਕੋਈ ਤੌਬਾ ਅਤੇ ਮੁਕਤੀ ਨਹੀਂ।

“ਤਦ ਜਿਹੜੇ ਖੱਬੇ ਪਾਸੇ ਹੋਣ ਉਨ੍ਹਾਂ ਨੂੰ ਵੀ ਉਹ ਕਹੇਗਾ, ਹੇ ਸਰਾਪੇ ਹੋਇਓ, ਮੇਰੇ ਕੋਲੋਂ ਉਸ ਸਦੀਪਕ ਅੱਗ ਵਿੱਚ ਚੱਲੇ ਜਾਓ ਜਿਹੜੀ ਸ਼ਤਾਨ ਅਤੇ ਉਹ ਦੇ ਦੂਤਾਂ ਲਈ ਤਿਆਰ ਕੀਤੀ ਹੋਈ ਹੈ” (ਪੜ੍ਹੋ: ਮੱਤੀ 24:41) “ਇਸ ਨਿਕੰਮੇ ਚਾਕਰ ਨੂੰ ਬਾਹਰ ਦੇ ਅੰਧਘੋਰ ਵਿੱਚ ਕੱਢ ਦਿਓ। ਓਥੇ ਹੋਣਾ ਅਤੇ ਕਚੀਚੀਆਂ ਵੱਟਣਾ ਹੋਵੇਗਾ।” (ਪੜ੍ਹੋ, ਮੱਤੀ 25:30)

ਪਰਮੇਸ਼ਵਰ, ਪਵਿੱਤਰ ਬਾਇਬਲ ਵਿੱਚ ਇਹ ਚੇਤਾਵਨੀ ਦਿੰਦਾ ਹੈ ਕਿ ਧਰਤੀ ਉੱਤੇ ਪਰਮੇਸ਼ਵਰ ਦੇ ਨਿਆਂ ਦਾ ਦਿਨ ਜਰੂਰ ਆਵੇਗਾ। ਇਨ੍ਹਾਂ ਪਵਿੱਤਰ ਲਿਖਤਾਂ ਵਿੱਚ ਇਹ ਭਵਿੱਖਬਾਣੀ ਕੀਤੀ ਗਈ ਹੈ ਕਿ ਨਿਆਂ ਦੇ ਉਸ ਮਹੱਤਵਪੂਰਣ ਦਿਨ ਤੋਂ ਪਹਿਲਾਂ ਸਾਫ਼ ਅਤੇ ਸਪਸ਼ਟ ਸੰਕੇਤ ਹੋਣਗੇ।

ਉਸਦੇ ਆਉਣ ਤੋਂ ਪਹਿਲਾਂ ਜੰਗਾਂ ਅਤੇ ਜੰਗਾਂ ਦੀਆਂ ਅਫਵਾਹਾਂ, ਰਾਸ਼ਟਰਾਂ ਦੀ ਦੁਬਿਧਾ ਅਤੇ ਮੁਸ਼ਕਲਾਂ ਹੋਣਗੀਆਂ। ਦੇਸ਼ ਇਕ-ਦੂਜੇ ਨਾਲ ਲੜ ਰਹੇ ਹੋਣਗੇ ਅਤੇ ਉਨ੍ਹਾਂ ਦੇ ਰਵੱਈਏ ਅਤੇ ਵਿਚਾਰਾਂ ਦੇ ਵਿਵਹਾਰ ਦਾ ਕੋਈ ਤੋੜ ਨਹੀਂ ਲੱਭੇਗਾ। ਵੱਖ-ਵੱਖ ਥਾਂਵਾਂ ਤੇ ਭੁਚਾਲ ਅਤੇ ਮਰੀਆਂ ਪੈਣਗੀਆਂ। ਬਾਈਬਲ ਸਾਨੂੰ ਦੱਸਦੀ ਹੈ ਕਿ ਬੁਰੇ ਲੋਕ ਜ਼ਿਆਦਾ ਬਦਤਰ ਅਤੇ ਬਦਤਰ ਹੋਣਗੇ। ਉਸੇ ਵੇਲੇ ਲੋਕ ਚੇਤਾਵਨੀ ਵੱਲ ਧਿਆਨ ਨਹੀਂ ਦੇਣਗੇ ਪਰ ਪਰਮੇਸ਼ਵਰ ਦੇ ਪ੍ਰੇਮੀ ਹੋਣ ਨਾਲੋਂ ਜ਼ਿਆਦਾ ਵਿਲਾਸ ਦੇ ਪ੍ਰੇਮੀ ਹੋਣਗੇ। ਕੀ ਤੁਸੀਂ ਇਹਨਾਂ ਭਵਿੱਖਬਾਣੀਆਂ ਨੂੰ ਪੂਰਾ ਜਾਂ ਸੱਚ ਹੁੰਦਾ ਨਹੀਂ ਦੇਖ ਰਹੇ? ਪੜ੍ਹੋ ਮੱਤੀ 24:6,7,12 ਅਤੇ 2 ਤਿਮੋਥਿਉਸ 3:4

ਯਾਦ ਰੱਖੋ ਕਿ ਉਸ ਮਹਾਨ ਅਤੇ ਸੱਚੇ ਜੱਜ ਦੇ ਸਾਹਮਣੇ ਸਾਡੀ ਅਮੀਰੀ - ਗਰੀਬੀ ਜਾਂ ਅਗਿਆਨਤਾ, ਰੰਗ-ਰੂਪ, ਜਾਤ-ਪਾਤ ਜਾਂ ਅਸੀਂ ਕਿਹੜੇ ਦੇਸ਼ ਦੇ ਵਾਸੀ ਹਾਂ - ਦਾ ਕੋਈ ਅਸਰ ਨਹੀਂ ਹੋਵੇਗਾ। ਇੱਕ ਦਿਨ ਅਸੀਂ ਉਸ ਸ਼੍ਰਿਸ਼ਟੀ ਦੇ ਸਾਜਣ ਵਾਲੇ ਪਰਮੇਸ਼ਵਰ ਦੇ ਸਾਹਮਣੇ ਖੜੇ ਹੋਵਾਂਗੇ। ਪੜ੍ਹੋ ਮੱਤੀ 25:32,33

ਅਨਾਦੀ ਅਨੰਤਤਾ ਵਿੱਚ ਅੱਗੇ ਕੋਈ ਘੜੀ ਨਹੀਂ ਹੋਵੇਗੀ, ਕੋਈ ਸਾਲਾਨਾ ਕੈਲੰਡਰ ਨਹੀਂ, ਅਤੇ ਸਦੀਆਂ ਦੀ ਕੋਈ ਗਿਣਤੀ ਨਹੀਂ ਹੋਵੇਗੀ। ਜਿੱਥੇ ਇੱਕ ਪਾਸੇ ਪਾਪੀ ਅਤੇ ਅਧਰਮੀ ਦੇ ਤਸੀਹੇ ਦੇ ਧੂੰਏਂ ਹਮੇਸ਼ਾ ਲਈ ਚੜ੍ਹਨਗੇ – ਉੱਥੇ, ਉਸੇ ਸਮੇਂ ਦੂਜੇ ਪਾਸੇ ਛੁਟਕਾਰਾ ਪ੍ਰਾਪਤ ਲੋਕਾਂ ਦੇ ਅਨੰਦ, ਗਾਣੇ, ਖੁਸ਼ੀ ਅਤੇ ਆਰਾਮ ਦਾ ਕਦੇ ਅੰਤ ਨਹੀਂ ਹੋਵੇਗਾ। ਹੁਣੇ ਫੈਸਲਾ ਕਰੋ! ਛੇਤੀ ਹੀ ਬਹੁਤ ਦੇਰ ਹੋ ਸਕਦੀ ਹੈ। "ਵੇਖੋ, ਹੁਣ ਹੀ ਮੁਕਤੀ ਦਾ ਦਿਨ ਹੈ” (ਪੜ੍ਹੋ 2 ਕੁਰਿੰਥੀਆਂ 6:2; ਮੱਤੀ 11:28-30)

ਸਾਡੇ ਨਾਲ ਸੰਪਰਕ ਕਰੋ

ਪਰਚਿਆਂ ਦਾ ਆਰਡਰ ਦਿਓ

ਇੱਕ ਮਿੱਤਰ ਤੁਹਾਡੇ ਲਈ

ਯਿਸੂ ਤੁਹਾਡਾ ਮਿੱਤਰ

ਯਿਸੂ ਤੁਹਾਡਾ ਮਿੱਤਰ ਹੈ

ਮੇਰਾ ਇੱਕ ਮਿੱਤਰ ਹੈ। ਉਹ ਮੇਰਾ ਹੁਣ ਤੱਕ ਦਾ ਸਭ ਤੋਂ ਵਧੀਆ ਮਿੱਤਰ ਹੈ। ਉਹ ਐਨਾ ਦਿਆਲੂ ਅਤੇ ਸੱਚਾ ਹੈ ਕਿ ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਵੀ ਉਸ ਨੂੰ ਜਾਣੋ। ਉਸ ਦਾ ਨਾਮ ਯਿਸੂ ਹੈ। ਵਧੀਆ ਗੱਲ ਤਾਂ ਇਹ ਹੈ ਕਿ ਉਹ ਤੁਹਾਡੇ ਮਿੱਤਰ ਬਣਨਾ ਚਾਹੁੰਦਾ ਹੈ।

ਆਓ ਮੈਂ ਤੁਹਾਨੂੰ ਉਸ ਦੇ ਬਾਰੇ ਦੱਸਾਂ। ਇਹ ਕਹਾਣੀ ਅਸੀਂ ਬਾਈਬਲ ਵਿੱਚ ਪੜਦੇ ਹਾਂ। ਬਾਈਬਲ ਸੱਚੀ ਹੈ। ਇਹ ਪਰਮੇਸ਼ਵਰ ਦਾ ਵਚਨ ਹੈ। ਪਰਮੇਸ਼ਵਰ ਉਹ ਹੈ ਜਿਸ ਨੇ ਇਸ ਸੰਸਾਰ ਅਤੇ ਇਸ ਵਿੱਚ ਵਿਚਰਦੀ ਹਰ ਸ਼ੈਅ ਨੂੰ ਸਿਰਜਿਆ ਹੈ। ਉਹ ਸਵਰਗ ਅਤੇ ਧਰਤੀ ਦਾ ਮਾਲਕ ਹੈ। ਉਹ ਸਾਨੂੰ ਅਤੇ ਸਭਨਾਂ ਵਸਤਾਂ ਨੂੰ ਜ਼ਿੰਦਗੀ ਅਤੇ ਸਾਹ ਦਿੰਦਾ ਹੈ।

God's creation

ਪੂਰਾ ਸੰਦੇਸ਼: ਇੱਕ ਮਿੱਤਰ ਤੁਹਾਡੇ ਲਈ

ਯਿਸੂ ਪਰਮੇਸ਼ਵਰ ਦਾ ਪੁੱਤਰ ਹੈ। ਪਰਮੇਸ਼ਵਰ ਨੇ ਉਹ ਨੂੰ ਸਵਰਗ ਤੋਂ ਇਸ ਧਰਤੀ ਉਤੇ ਸਾਡਾ ਮੁਕਤੀਦਾਤਾ ਹੋਣ ਲਈ ਘੱਲਿਆ। ਪਰਮੇਸ਼ਵਰ ਨੇ ਜਗਤ ਨਾਲ (ਭਾਵ ਤੁਹਾਡੇ ਅਤੇ ਮੇਰੇ ਨਾਲ) ਅਜਿਹਾ ਪ੍ਰੇਮ ਕੀਤਾ ਕਿ ਉਹ ਨੇ ਆਪਣੇ ਇਕਲੌਤੇ ਪੁੱਤਰ ਯਿਸੂ ਨੂੰ (ਸਾਡੇ ਪਾਪਾਂ ਬਦਲੇ ਮਰਨ ਲਈ) ਘੱਲ ਦਿੱਤਾ ਤਾਂ ਜੋ ਕੋਈ ਉਸ ਉਤੇ ਨਿਹਚਾ ਕਰੇ ਉਹ ਨਾਸ਼ ਨਾ ਹੋਵੇ ਬਲਕਿ ਅਨੰਤ ਜੀਵਨ ਪਾਏ। (ਯੂਹੰਨਾ 3:16)

ਯਿਸੂ ਇਸ ਧਰਤੀ ਉਤੇ ਨਿੱਕੇ ਸ਼ਿਸ਼ੂ ਦੇ ਰੂਪ ਵਿੱਚ ਆਇਆ। ਇਸ ਧਰਤੀ ਉਤੇ ਮਰੀਅਮ ਅਤੇ ਯੂਸਫ਼ ਉਸਦੇ ਮਾਤਾ-ਪਿਤਾ ਸਨ। ਉਸ ਦਾ ਜਨਮ ਇੱਕ ਗਉਸ਼ਾਲਾ ਵਿੱਚ ਹੋਇਆ ਅਤੇ ਉਸ ਨੂੰ ਚਰਨੀ ਵਿੱਚ ਰੱਖਿਆ ਗਿਆ।

Jesus' birth

ਯਿਸੂ, ਯੂਸਫ਼ ਅਤੇ ਮਰੀਅਮ ਦੇ ਨਾਲ ਵੱਡਾ ਹੋਇਆ ਅਤੇ ਉਨਾਂ ਦੇ ਹੁਕਮਾਂ ਦੀ ਪਾਲਨਾ ਕਰਦਾ ਸੀ। ਖੇਡਣ ਲਈ ਉਸਦੇ ਹੋਰ ਭੈਣ-ਭਰਾ ਵੀ ਸਨ। ਯੂਸਫ਼ ਦੀ ਤਰਖਾਨ ਦੀ ਦੁਕਾਨ ਵਿੱਚ ਵੀ ਯਿਸੂ ਉਸਦੀ ਸਹਾਇਤਾ ਕਰਦਾ ਹੁੰਦਾ ਸੀ।

Jesus and the lad with food

ਜਦੋਂ ਯਿਸੂ ਵੱਡਾ ਹੋਇਆ ਤਾਂ ਉਹ ਲੋਕਾਂ ਨੂੰ ਆਪਣੇ ਸਵਰਗੀ ਪਿਤਾ ਬਾਰੇ ਸਿਖਾਉਣ ਲੱਗਾ। ਉਹ ਨੇ ਲੋਕਾਂ ਨੂੰ ਦਰਸਾਇਆ ਕਿ ਪਰਮੇਸ਼ਵਰ ਉਨਾਂ ਨੂੰ ਪਿਆਰ ਕਰਦਾ ਹੈ। ਉਹ ਨੇ ਬਿਮਾਰਾਂ ਨੂੰ ਚੰਗਾ ਕੀਤਾ ਅਤੇ ਦੁਖੀਆਂ ਨੂੰ ਅਰਾਮ ਬਖ਼ਸ਼ਿਆ। ਉਹ ਬੱਚਿਆਂ ਦਾ ਮਿੱਤਰ ਮੀ। ਉਹ ਚਾਹੁੰਦਾ ਸੀ ਕਿ ਬੱਚੇ ਉਸ ਦੇ ਕੋਲ ਆਉਣ। ਉਸ ਕੋਲ ਬੱਚਿਆਂ ਲਈ ਸਮਾਂ ਸੀ। ਬੱਚੇ ਯਿਸੂ ਨੂੰ ਪਿਆਰ ਕਰਦੇ ਸਨ ਅਤੇ ਨਾਲ ਸਮਾਂ ਬਤੀਤ ਕਰਨਾ ਪਸੰਦ ਕਰਦੇ ਸਨ।

ਕੁਝ ਲੋਕ ਯਿਸੂ ਨੂੰ ਪਿਆਰ ਨਹੀਂ ਕਰਦੇ ਸਨ। ਉਨ੍ਹਾਂ ਨੇ ਉਸ ਨਾਲ ਵੈਰ ਕੀਤਾ ਅਤੇ ਨਫਰਤ ਵੀ। ਉਹ ਉਸ ਨਾਲ ਐਨੀ ਨਫਰਤ ਕਰਦੇ ਸਨ ਕਿ ਉਸ ਨੂੰ ਜਾਨ ਤੋਂ ਮਾਰ ਦੇਣਾ ਚਾਹੁੰਦਾ ਸਨ। ਇੱਕ ਅਭਾਗੇ ਦਿਨ ਉਨਾਂ ਨੇ ਯਿਸੂ ਨੂੰ ਸਲੀਬ ਉਤੇ ਟੰਗ ਕੇ ਮਾਰ ਦਿੱਤਾ। ਯਿਸੂ ਨੇ ਕੁਝ ਵੀ ਗ਼ਲਤ ਨਹੀਂ ਕੀਤਾ ਸੀ। ਯਿਸੂ ਨੇ ਸਾਡੇ ਬਦਲੇ ਮਰਨਾ ਹੀ ਸੀ ਕਿਉਂਕਿ ਤੁਸੀਂ ਅਤੇ ਮੈਂ ਗ਼ਲਤ ਕੰਮ ਕੀਤੇ ਹਨ।

Jesus on the cross

ਯਿਸੂ ਦੀ ਕਹਾਣੀ ਉਸ ਦੀ ਮੌਤ ਨਾਲ ਹੀ ਖ਼ਤਮ ਨਹੀਂ ਹੁੰਦੀ। ਪਰਮੇਸ਼ਵਰ ਨੇ ਉਸਨੂੰ ਮੁਰਦਿਆਂ ਵਿੱਚੋਂ ਜ਼ਿੰਦਾ ਕਰ ਦਿੱਤਾ! ਉਸ ਦੇ ਚੇਲਿਆਂ ਨੇ ਉਸ ਨੂੰ ਵੇਖਿਆ। ਅਤੇ ਇੱਕ ਦਿਨ ਉਹ ਵਾਪਸ ਸਵਰਗ ਚਲਿਆ ਗਿਆ।

ਅੱਜ ਉਹ ਤੁਹਾਨੂੰ ਵੇਖ ਅਤੇ ਸੁਣ ਸਕਦਾ ਹੈ। ਉਹ ਤੁਹਾਡੇ ਬਾਰੇ ਸਭ ਕੁਝ ਜਾਣਦਾ ਹੈ ਅਤੇ ਤੁਹਾਡੀ ਫ਼ਿਕਰ ਕਰਦਾ ਹੈ। ਪ੍ਰਾਰਥਨਾ ਵਿੱਚ ਉਸਦੇ ਕੋਲ ਆਓ ਉਸ ਨੂੰ ਆਪਣੀਆਂ ਮਸ਼ਕਲਾਂ ਬਾਰੇ ਦਸੋ। ਉਹ ਤੁਹਾਡੀ ਸਹਾਇਤਾ ਕਰਨ ਲਈ ਤਿਆਰ ਹੈ। ਤੁਸੀਂ ਕਿਸੇ ਵੀ ਸਮੇਂ, ਕਿਸੇ ਵੀ ਥਾਂ, ਅਪਣਾ ਸਿਰ ਝੁੱਕਾ ਕੇ ਉਸ ਨਾਲ ਗੱਲ ਕਰ ਸਕਦੇ ਹੋ।

ਇੱਕ ਦਿਨ ਉਹ ਮੁੜ ਕੇ ਆਵੇਗਾ! ਜਿਹੜੇ ਉਸ ਤੇ ਵਿਸ਼ਵਾਸ ਕਰਦੇ ਹਨ, ਉਹ ਉਨ੍ਹਾਂ ਨੂੰ ਸਵਰਗੀ ਘਰ ਲੈ ਜਾਵੇਗਾ।

Jesus listening to a woman pray

( punjabi ਪੰਜਾਬੀ )

ਸਾਡੇ ਨਾਲ ਸੰਪਰਕ ਕਰੋ

ਪਰਚਿਆਂ ਦਾ ਆਰਡਰ ਦਿਓ